JD Vance: Trump synon “marrëveshje të madhe” me Iranin, jo zgjidhje afatshkurtra
Zëvendëspresidenti i Shteteve të Bashkuara, JD Vance, deklaroi se presidenti Donald Trump synon arritjen e një marrëveshjeje të gjerë dhe afatgjatë me Iran, duke përjashtuar mundësinë e një zgjidhjeje të kufizuar apo të përkohshme.
Vance theksoi se administrata amerikane është e fokusuar në një marrëveshje gjithëpërfshirëse që do të adresojë në thelb marrëdhëniet mes dy vendeve.
Sipas raportimeve të CBS News, ai u shpreh se negociatorët kanë bërë “progres të konsiderueshëm” gjatë fundjavës në Pakistan, duke sinjalizuar zhvillime konkrete në prapaskenë drejt një zgjidhjeje diplomatike.
Megjithatë, Vance nënvizoi se Trump nuk është i interesuar për një “marrëveshje të vogël”, por për një “marrëveshje të madhe në stilin Trump”, që synon të ketë ndikim afatgjatë në stabilitetin rajonal dhe global.
Ai pranoi gjithashtu se mes Shtetet e Bashkuara dhe Iranit ekziston një nivel i lartë mosbesimi.
“Nuk mund ta zgjidhësh këtë problem brenda natës,” deklaroi Vance, sipas Reuters, duke theksuar se rruga drejt një marrëveshjeje kërkon kohë dhe përpjekje të vazhdueshme diplomatike.