Lidhje

site logo site logo
Paraardhëse Tjetra
Lajm i Fundit
Editorial Analiza Pasazhe

Home Aktualitet Bota


Presidenti Erdogan vlerëson mediat turke për qëndrimin e tyre “të guximshëm” ndaj Gazës

Friday, 19 December 2025 09:02

Erdogan tha se Jadallah, jo vetëm që ekspozon "shkallën e tmerrshme të masakrës në Gaza", por gjithashtu shfaq rezistencën e drejtë të palestinezëve.

Presidenti turk, Recep Tayyip Erdogan, ka vlerësuar mediat turke për qëndrimin e tyre “të guximshëm” në mbulimin e së vërtetës së asaj që po ndodh në Gaza, raporton Anadolu.

 

“Përballë gjenocidit në Gaza, mediat turke, veçanërisht TRT dhe Anadolu, kanë marrë një qëndrim vërtet të guximshëm”, tha Erdogan në një fjalim në një ceremoni çmimesh për kulturë dhe art në Ankara.

Presidenti turk vlerësoi fotoreporterin e Anadolu-t, Ali Jadallah.

 

“Vëllai ynë Ali, i cili ekspozoi gjenocidin brutal në Gaza dhe e përballi të ashtuquajturën botë të civilizuar me të vërtetën, shërben si fotoreporter për Anadolu-n tonë”, tha Erdogan.

Erdogan tha se Jadallah, jo vetëm që ekspozon "shkallën e tmerrshme të masakrës në Gaza", por gjithashtu shfaq rezistencën e drejtë të palestinezëve.

 

Erdogan pret në kompleksin presidencial familjen e fotoreporterit Jadallah

Presidenti Erdogan më herët në Kompleksin Presidencial ka pritur familjet e fotoreporterit të Anadolu-t, Jadallah, përfshirë gruan e tij Doaa Esaëi dhe fëmijët e tyre.

Pritja u organizua përpara ceremonisë së Çmimeve të Mëdha Presidenciale për Kulturën dhe Artet që u mbajt në Qendrën e Kongresit dhe Kulturës Bestepe, ku fotoreporteri u nderua me një çmim, por për shkak se ai nuk mund të largohen nga Gaza, çmimi i është ndarë gruas së tij.


SHBA sanksionon 2 gjyqtarë të Gjykatës Ndërkombëtare Penale për refuzimin e apelit të Izraelit

Friday, 19 December 2025 08:37

Sanksionet pasuan vendimin e së hënës nga dhoma e apelit e gjykatës, e cila hodhi poshtë përpjekjen e Izraelit për të shfuqizuar urdhër-arrestet e lëshuara për kryeministrin Netanyahu dhe ish-ministrin Yoav Gallant.

SHBA-ja po vendos sanksione ndaj dy gjyqtarëve të tjerë të Gjykatës Ndërkombëtare Penale pasi gjykata hodhi poshtë kundërshtimin e Izraelit ndaj ligjshmërisë së hetimit të saj për krimet e luftës të kryera në Gaza që nga tetori i vitit 2023, transmeton Anadolu.

 

Sekretari i Shtetit i SHBA-zë, Marco Rubio, tha se gjyqtarët Gocha Lordkipanidze nga Gjeorgjia dhe Erdenebalsuren Damdin nga Mongolia u përcaktuan sipas urdhrit ekzekutiv të shkurtit të presidentit Donald Trump që autorizonte sanksione ndaj zyrtarëve të Gjykatës Ndërkombëtare Penale, duke i akuzuar ata për pjesëmarrje në atë që ai e quajti "shënjestrim i paligjshëm i Izraelit" nga gjykata.

 

“Këta individë janë përfshirë drejtpërdrejt në përpjekjet e Gjykatës Ndërkombëtare Penale për të hetuar, arrestuar, ndaluar ose ndjekur penalisht shtetasit izraelitë, pa pëlqimin e Izraelit, duke përfshirë votimin me shumicën në favor të vendimit të Gjykatës Ndërkombëtare Penale kundër apelit të Izraelit më 15 dhjetor”, tha Rubio.

Rubio i quajti përpjekjet e Gjykatës Ndërkombëtare Penale për ta mbajtur Izraelin përgjegjës “veprime të politizuara që synojnë Izraelin”.

 

Sanksionet pasuan vendimin e së hënës nga dhoma e apelit e Gjykatës Ndërkombëtare Penale, e cila hodhi poshtë përpjekjen e Izraelit për të shfuqizuar urdhër-arrestet e lëshuara për kryeministrin Benjamin Netanyahu dhe ish-ministrin e Mbrojtjes, Yoav Gallant.

Në atë vendim, gjyqtarët e Gjykatës Penale të Drejtësisë vendosën se hetimi i gjykatës për krimet e dyshuara të kryera në Gaza pas 7 tetorit të vitit 2023 ishte tashmë i mbuluar nga një njoftim i vitit 2021 i lëshuar Izraelit dhe nuk kërkonte një njoftim të ri sipas Statutit të Romës.


Katari: Forca stabilizuese e Gazës nuk duhet të mbrojë njërën palë në kurriz të tjetrës

Friday, 19 December 2025 07:30

Kryeministri i Katarit, Sheikh Mohammed bin Abdulrahman Al Thani, ka deklaruar se forca stabilizuese e propozuar që do të vendoset në Gaza sipas marrëveshjes së armëpushimit nuk duhet të mbrojë njërën palë në kurriz të tjetrës.

 

Duke folur për kanalin Al Jazeera me seli në Katar pas takimeve në Washington me sekretarin amerikan të Shtetit, Marco Rubio dhe anëtarët e Kongresit të SHBA-së, Sheikh Mohammed tha se Katari ngriti shqetësime për shkeljet e përsëritura të armëpushimit në Gaza, si dhe paralajmëroi se shkelje të tilla i vendosin ndërmjetësit në një “pozitë të turpshme”.

Read more ...


Franca tronditet nga një prej krimeve më të rënda mjekësore: ish-anestezisti Frederic Pechier dënohet me burgim të përjetshëm

Thursday, 18 December 2025 20:04

Franca është përballur me një nga rastet më të errëta në historinë e saj mjekësore, pasi një gjykatë në qytetin Besançon, në lindje të vendit, ka dënuar me burgim të përjetshëm ish-anestezistin Frédéric Péchier, i shpallur fajtor për helmimin e qëllimshëm të 30 pacientëve, përfshirë 12 viktima që humbën jetën. Vendimi u dha pas një procesi gjyqësor të gjatë dhe kompleks, i cili nxori në pah një model veprimesh të përsëritura dhe të qëllimshme, që sipas prokurorisë përbëjnë një shkelje ekstreme të betimit mjekësor dhe të besimit mes pacientit dhe profesionistit të shëndetit.

Read more ...


Eurodeputeti Nemec nominon Francesca Albanesen dhe mjekët e Gazës për Çmimin Nobel për Paqe 2026

Wednesday, 17 December 2025 08:47

Anëtari i PE-së, Matjaz Nemec prezantoi nominimin e raportueses speciale të OKB-së për territoret e pushtuara palestineze, Francesca Albanese dhe mjekëve me bazë në Gaza për Çmimin Nobel për Paqe 2026.

Anëtari i Parlamentit Evropian, Matjaz Nemec prezantoi sot publikisht nominimin e raportueses speciale të OKB-së për territoret e pushtuara palestineze, Francesca Albanese dhe mjekëve me bazë në Gaza për Çmimin Nobel për Paqe 2026, pas dorëzimit të tij zyrtar në Komitetin Norvegjez të Nobelit, transmeton Anadolu.

 

Nominimi u nënshkrua nga gati 300 propozues të përshtatshëm nga 33 vende, përfshirë Brazilin, Afrikën e Jugut, Kanadanë, Australinë, Zelandën e Re dhe Mbretërinë e Bashkuar, sipas një deklarate të ndarë nga Nemec në platformën e mediave sociale të kompanisë amerikane X.

Nemec tha se nominimi "është një shprehje respekti për guximin, përpjekjet dhe këmbënguljen e individëve që mbrojnë vlerat themelore njerëzore në rrethanat më të vështira" dhe "përfaqëson kontribut për paqen që tejkalon ndarjet politike".

 

Ai theksoi punën e Albaneses në mbështetjen e ligjit ndërkombëtar dhe të drejtave të njeriut, duke vënë në dukje se ajo vazhdon misionin e saj pavarësisht përballjes me "presion të fortë politik" dhe sanksione nga Izraeli dhe SHBA-ja.

"Francesca Albanese na mban një pasqyrë të gjithëve dhe është e përkushtuar fuqimisht ndaj ligjit ndërkombëtar dhe themeleve që ndërtuam në përgjigje të masakrës më të madhe në historinë e njerëzimit - Luftës së Dytë Botërore", tha ai.

 

Nominimi përfshin gjithashtu mjekë me bazë në Gaza, si dr. Hussam Abu Safiya dhe dr. Sara Al-Saqqa, të cilët rrezikojnë jetën e tyre në mes të konfliktit të armatosur për të kryer detyra mjekësore.

"Me infrastrukturën shëndetësore të shkatërruar plotësisht dhe mungesën akute të nevojave themelore, ata i realizojnë vlerat e njerëzimit, solidaritetit dhe paqes çdo ditë duke shpëtuar jetë dhe duke iu përmbajtur etikës mjekësore dhe ata e meritojnë më shumë se kaq këtë lloj çmimi", tha Nemec.

 

Ligjvënësi theksoi se fushata globale për nominimin i bën thirrje komunitetit ndërkombëtar dhe udhëheqësve politikë në të gjithë botën të respektojnë ligjin ndërkombëtar, të drejtat e njeriut dhe dinjitetin njerëzor në të gjitha rrethanat.

 

Që nga 10 tetori, ushtria izraelite ka kryer qindra shkelje të armëpushimit, duke vrarë të paktën 391 palestinezë dhe duke plagosur 1.063 të tjerë, sipas shifrave të fundit nga Ministria e Shëndetësisë e Gazës.

Izraeli ka vrarë më shumë se 70.600 palestinezë, kryesisht gra dhe fëmijë dhe ka plagosur mbi 171 mijë të tjerë në sulmet në Gaza që nga tetori i vitit 2023.

 

Back to top
XS
SM
MD
LG