Europa rikthen operacionin e fshehtë “Mburoja e qiellit”, 120 avionë kundër Rusisë

Friday, 07 March 2025 14:55

• Written by Lapsi.al

“The Sun" raporton se Europa dhe Britania e Madhe mund të vendosin një flotë prej 120 avionësh luftarakë për të shmangur raketat ruse dhe për të mbrojtur hapësirën ajrore të Ukrainës kundër Vladimir Putinit. Plani i mbrojtjes, i njohur si “Operacioni Mburoja e Qiellit” do të shohë avionë luftarakë nga forcat ajrore evropiane dhe ato britanike të formojnë atë që quhet “Zonë e Mbrojtjes së Integruar Ajrore” (IAPZ).

Operacioni do të drejtohet nga pilotët më të mirë nga kontinenti dhe do të funksionojë veçmas nga NATO. Objektivi do të jetë kundërshtimi i agresionit rus në Ukrainë, duke përfshirë sulmet me raketa me rreze të gjatë dhe sulmet me dronë. Zona e Integruar e Mbrojtjes Ajrore do të mbulojë 3 termocentralet bërthamore operative të Ukrainës dhe infrastrukturën kritike në krahun perëndimor të vendit duke përfshirë qytetet Odesa dhe Lviv.

Read more ...

Putin: E kanë harruar se çfarë i ndodhi Napoleonit. Rusia nuk do të heqë dorë nga ajo që i takon!

Friday, 07 March 2025 11:18

• Written by rtsh.al

Presidenti rus, Vladimir Putin, një ditë pas fjalës së Emmanuel Macron, në të cilën presidenti francez e quajti Rusinë një kërcënim për Evropën dhe hodhi idenë për të vënë nën mbrojtjen bërthamore të Francës disa shtete të tjera evropiane, tha sot se disa njerëz kanë harruar se çfarë ndodhi me Napoleonin.

Presidenti rus, Vladimir Putin, ka deklaruar se Rusia nuk ka nevojë për asgjë që i përket të tjerëve, por nuk do të heqë dorë nga ajo që është e saj. Deklarata u bë gjatë një takimi me punonjësit e fondacionit “Mbrojtësit e Atdheut”, siç raporton Ria Novosti.

Read more ...

Siria arreston ish-shefin e inteligjencës, i akuzuar për qindra atentate gjatë sundimit të Hafez Asadit

Friday, 07 March 2025 08:35

• Written by /AA

- “Forcat siriane arrestuan gjeneralin Ibrahim Huweija, i cili akuzohet për qindra atentate gjatë sundimit të Hafez al-Asadit, duke përfshirë mbikëqyrjen e vrasjes së Kamal Beik Jumblattit”, tha agjencia siriane e lajmeve SANA

ISTANBUL (AA) – Forcat e sigurisë të Sirisë kanë arrestuar një ish-shef të inteligjencës të akuzuar për kryerjen e qindra atentateve nën ish-udhëheqësin e regjimit Hafez Asadit, tha agjencia siriane e lajmeve SANA, transmeton Anadolu.

“Pas monitorimit dhe hetimit të saktë, forcat tona në qytetin Jableh arrestuan me sukses gjeneralin Ibrahim Huweija, ish-kreun e Inteligjencës së Përgjithshme të Sirisë, i cili akuzohet për qindra atentate gjatë sundimit të Hafez al-Asadit, duke përfshirë mbikëqyrjen e vrasjes së Kamal Beik Jumblattit”, raportoi agjencia në X, duke cituar një burim të sigurisë.

Jumblatt ishte një politikan i shquar libanez dhe udhëheqës i komunitetit Druz, i njohur për themelimin e Partisë Socialiste Progresive dhe avokimin e demokracisë dhe nacionalizmit arab.

Ai u vra në vitin 1977, me akuza të përhapura mbi përfshirjen e inteligjencës siriane nën Hafez Asadin.

Që nga rënia e regjimit të Bashar al-Asadit, autoritetet ushtarake kanë hapur qendra pajtimi për besnikët e ish-regjimit që të dorëzojnë armët e tyre. Megjithatë, disa fraksione kanë refuzuar të binden, duke çuar në përleshje në provinca të shumta.

Goditja ndaj partnerëve tregtarë, tarifat e Trump prekin edhe Shqipërinë

Thursday, 06 March 2025 23:00

• Written by TCH

Shqipëria nuk është një eksportues i madh në SHBA, por një rritje e tarifave për BE mund të ketë ndikime indirekte edhe në ekonominë e vendit tonë. Politika e vendosjes së tarifave më të larta por dhe zbatimit të parimit të reciprocitetit, ka rritur mundësitë e një rreziku edhe për shumë sektorë në vendin tonë.

Eksperti i ekonomisë Selami Xhepa tregon mënyrën sesi ekonomia shqiptare do të ndikohet brenda një 5-vjeçari nëse këto tarifa nisin të aplikohen. Eksportet shqiptare do të preken të parët, por pas nuk ngelen as çmimet më të larta, investimet e huaja por dhe një tkurrje e tregtisë së jashtme.

Read more ...