Ushtria izraelite vret edhe një gazetar tjetër, rritet 95 numri i gazetarëve të vrarë që nga 7 tetori

Monday, 18 December 2023 13:23

• Written by AA

Qeveria në Rripin e Gazës njoftoi se edhe një tjetër gazetar palestinez u vra në bombardimet izraelite.

Në një deklaratë të bërë nga zyra për median e qeverisë në Gaza, konfirmohet se gazetarja Haneen Al Qashtan humbi jetën si pasojë e bombardimit nga ushtria izraelite të shtëpisë së familjes së saj në kampin e refugjatëve Nuseirat, në pjesën qendrore të Rripit të Gazës.

Në deklaratë bëhet e ditur se është rritur në 95 numri i gazetarëve që janë vrarë në sulmet e kryera nga Izraelit në Rripin e Gazës që nga 7 tetori e deri më tani.

Në një deklaratë të bërë më parë nga Zyra e Medias, u theksua se Izraeli i "vret gazetarët në Gaza në mënyrë të qëllimshme me synimin për të heshtur shpjegimin e Palestinës, për të fshehur të vërtetat dhe për të parandaluar që lajmet dhe informacionet të mbërrijnë tek opinioni rajonal dhe ndërkombëtar".

Burimi: AA

Ukrainë, deputeti shpërthen një bombë dore në seancën e këshillit vendor, 26 të plagosur

Friday, 15 December 2023 14:15

• Written by AA

Të paktën 26 persona u plagosën kur një deputet shpërtheu një granatë dore në mbledhjen e këshillit lokal në rajonin Zakarpattia të Ukrainës.

Sipas një deklarate të Ministrisë së Punëve të Brendshme të Ukrainës, deputeti shpërtheu një granatë dore në takimin e këshillit të fshatit Keretskovskiy në Zakarpattia.

Read more ...

Brigadat Kassam: Në 3 ditët e fundit janë vrarë 36 ushtarë izraelitë dhe janë shkatërruar 72 automjete ushtarake

Friday, 15 December 2023 13:50

• Written by AA

Krahu ushtarak i Hamasit, Brigadat Izzeddin Kassam, ka njoftuar se në 72 orët e fundit në Rripin e Gazës janë vrarë 36 ushtarë izraelitë dhe janë shkatërruar plotësisht ose pjesërisht 72 automjete ushtarake.

Abu Ubaida tha se kanë vrarë 36 ushtarë izraelitë dhe kanë plagosur dhjetëra të tjerë dhe se 72 automjete ushtarake janë shkatërruar plotësisht ose pjesërisht.

Ai tha se Brigadat Kassam kanë shënjestruar me raketa dhe shpërthyes forcat izraelite që kanë depërtuar në rajon dhe pajisjet e tyre janë konfiskuar. Ai shtoi se ka të goditur edhe nga snajperët.

Abu Ubaida gjithashtu theksoi se krahas garnizoneve dhe dhomave komanduese izraelite në rajon janë shënjestruar me raketa dhe mortaja edhe njësitë në aksin e konfliktit.

Burimi: AA

85 sportistë palestinezë të vrarë nga sulmet izraelite në Gaza dhe Bregun Perëndimor

Friday, 15 December 2023 13:36

• Written by AA

Të paktën 85 sportistë palestinezë janë vrarë në sulmet izraelite në Rripin e Gazës dhe Bregun Perëndimor midis 7 tetorit dhe 6 dhjetorit, tregoi një raport nga Federata e Futbollit të Palestinës.

Raporti gjithëpërfshirës, i publikuar të enjten, nënvizoi ndikimin e thellë të sulmeve izraelite në komunitetin sportiv.

Sipas raportit, viktimat janë 55 futbollistë dhe 30 lojtarë të sporteve të tjera.

Në të thuhet se forcat izraelite pushtuese kishin në shënjestër sportistët palestinezë dhe objektet sportive, veçanërisht lojtarët e futbollit, si dhe presidentët e klubeve, administratorët dhe gjyqtarët.

Raporti tha se bombardimet izraelite kanë çuar në shkatërrimin e nëntë objekteve sportive, katër në Bregun Perëndimor dhe pesë në Rripin e Gazës.

Ai gjithashtu vuri në dukje se forcat pushtuese kanë arrestuar tre sportistë në Bregun Perëndimor dhe se katër sportistë kanë pësuar lëndime gjatë sulmeve.

Burimi: AA