“LËVIZJA E DEÇANIT” PO MASHTRON, SEPSE KATOLICIZMI NUK ËSHTË SHQIPTARIZËM

Sunday, 23 November 2025 19:48

• Written by Mexhlis

Milazim KRASNIQI/Prishtinë

“Lëvizja e Deçanit” dhe grupe të tjera hibride antishqiptare e kanë shndërruar në kalë të betejës së vet donkishoteske tezën se gjoja kalimi në katolicizëm siguron forcim në shqiptarizëm. Barazimin e katolicizmit me shqiptarizmin, po tentojnë ta paketojnë si të vërtetë përfundimtare, edhe pse asnjë shenjë barazie nuk mund të ekzistojë ndërmjet katolicizmit si një religjion botëror dhe shqiptarizmit, si një identitet kombëtar i një kombi të vogël ballkanik. Prandaj do ta analizoj këtu shkurt, por mjaftueshëm saktë, se çka është katolicizmi dhe cili është relacioni eventual i tij me shqiptarizmin. Pse? Publiku ynë i gjerë, sidomos shumica muslimane ka nevojë për këtë shpjegim, sidomos gjeneratat e reja, të cilat jo vetëm në Kosovë po edhe nëpër Europë ndeshen me ide për konvertim. Prandaj, publiku ynë i ekspozuar sulmeve brutale të këtyre kryqtarëve të sotëm donkishotesk në Kosovë e në diasporë, do të duhej të dinte disa të vërteta themelore mbi katolicizmin si besim fetar.

Read more ...

“Mbrapa më vjen historia”

Saturday, 22 November 2025 21:19

• Written by Mexhlis

Xhaꬵer SADIKU, Tiranë

Ky varg i një kënge popullore, që i vihet në gojë Ismail Qemalit, nuk është thjesht një metaforë poetike. Ai përmbledh peshën e një jete të tërë – jetën e një diplomati që përshkoi kryeqytetet e Europës, duke kërkuar te fuqitë e mëdha atë që ato vetë ia kishin mohuar: tërësinë e vatanit të tij.

Përgjatë shekujve, aristokracia shqiptare zinte një vend të rëndësishëm në strukturat drejtuese të Perandorisë Osmane. Brenda saj bënin pjesë shumë familje të njohura, ku midis tyre spikaste edhe familja Vlora.

Read more ...

Studiuesi britank: Islamofobia është bërë një industri globale fitimprurëse

Friday, 21 November 2025 18:41

• Written by Mexhlis

Profesori Peter Hopkins, shkruan në librin e tij të fundit, se në SHBA ka njerëz që fitojnë deri qindra mijëra dollarë në vit për postimet e tyre islamofobe në rrjetet sociale dhe blogjet e ndryshme, të cilat shpërndahen më pas në gjithë botën. Ata janë pjesë e Kompleksit Industrial të Islamofobisë, në të cilin bëjnë pjesë shtete, qeveri, institucione, organizata, politikanë, gazetarë etj.

“Islam Channel”

Islamofobia nuk ka të bëjë vetëm me paragjykimet individuale. Ajo nxitet nga një rrjet global grupesh dhe njerëzish që përfitojnë nga përhapja e urrejtjes anti-myslimane. Kjo është tema qendrore në librin e ri të profesorit të Univesitetit të Njukallësit në Angli, Peter Hopkins, me titull “Islamofobia e Përditshme”.

Read more ...

Ligji “Për Barazinë Gjinore” përballë Konventës së Stambollit: Komentari i parë juridik dhe çfarë mund të bëjë ende Shqipëria

Wednesday, 19 November 2025 14:58

• Written by TCH

Ka ligje që kalojnë pa u ndier; qetë, pa debat, pa tension, pa lënë gjurmë në jetën e përditshme të njerëzve. Ka të tjera që prekin administratën, buxhetin, apo teknikalitete që shumica e publikut asqë nuk i ndjek dot. Por shumë rrallë ndodh që një ligj të trazojë themelet e një shoqërie, të hapë plagë të thella morale dhe të ngrejë pyetje që shkojnë përtej politikës së ditës: pyetje për identitetin tonë, për fëmijët tanë, për familjen, për liritë themelore dhe për vetë arkitekturën e shtetit. Ligji i miratuar së fundmi nga Kuvendi i Shqipërisë, me titullin “Për Barazinë Gjinore”, i përket pikërisht kësaj kategorie të rrallë: ligjeve që nuk prekin thjesht një sektor apo një grup të caktuar, por godasin gjithë shoqërinë në dimensionin individual, shoqëror dhe institucional.

Read more ...