Presidenti rus Vladimir Putin dhe udhëheqësi kinez Xi Jinping nënshkruan në Pekin një sërë marrëveshjesh për thellimin e bashkëpunimit strategjik, ekonomik dhe teknologjik mes dy vendeve. Takimi u paraqit si dëshmi e partneritetit të fortë Kinë-Rusi dhe si mesazh për një rend të ri botëror “multipolar”.
Qeveria e re hungareze ka sinjalizuar gatishmërinë e saj për të lejuar Bashkimin Evropian të sanksionojë Patriarkun Kirill, kreun e Kishës Ortodokse të Rusisë, dhe individë të tjerë që ish-kryeministri Viktor Orbán i kishte mbrojtur, konfirmon Euronews.
Drejtori i Përgjithshëm i Organizatës Botërore të Shëndetësisë (OBSH), Tedros Adhanom Ghebreyesus, tha se janë regjistruar 600 raste të dyshuara me Ebola dhe 139 vdekje të dyshuara, duke paralajmëruar se numri i rasteve pritet të rritet më tej sepse virusi kishte qarkulluar për një kohë të gjatë para se të zbulohej epidemia.
Presidenti amerikan Donald Trump ndodhet përballë një dileme të vështirë strategjike për Iranin: të vazhdojë presionin ushtarak apo të kërkojë një marrëveshje që do të ulte tensionet në Lindjen e Mesme.
Përveç tërheqjes trupave amerikane nga Gjermania, Shtetet e Bashkuara mund të largojnë disa qindra ushtarakë të tjerë nga Evropa, tha Komandanti Suprem i Forcave Aleate të NATO-s për Evropën, Alexus Grynkewich, në një konferencë për shtyp pas një takimi të shefave të shtabeve të vendeve të Aleancës së Atlantikut të Veriut.
