Autoritetet e Emirateve të Bashkuara Arabe njoftuan të hënën se vendi është goditur nga një tjetër përshkallëzim i tensioneve me Iranin, pasi një sulm me dron iranian shkaktoi një zjarr të madh në zonën e Industrisë së Naftës Fujairah, ku tre shtetas indianë mbetën të plagosur lehtë dhe u dërguan në spital.
Presidenti i Azerbajxhanit, Ilham Aliyev, është përplasur ashpër me kryetaren e Parlamentit Evropian, Roberta Metsola, gjatë samitit të Komunitetit Politik Evropian në Jerevan të Armenisë, duke akuzuar institucionin e BE-së për “shpifje”, “gënjeshtra” dhe “obsesion” ndaj Azerbajxhanit.
Sekretari amerikan i shtetit, Marco Rubio do të takohet me Papa Leon të enjten, disa javë pas sulmit të presidentit Donald Trump kundër Papës.
Infrastruktura e telekomunikacionit izraelit është përdorur gjatë tre viteve të fundit për të gjurmuar njerëzit në mbi 10 vende. "Kjo infrastrukturë, nga rrjetet e ndërtuara në vitet 1970 deri te sistemet më moderne 5G, është transformuar në pajisje gjurmimi me programe të sofistikuara spiunazhi", tha hetimi nga grupi i kërkimit digjital me bazë në Kanada, Citizen Lab, sipas një lajmi të së dielës nga e përditshmja izraelite "Haaretz".
Që nga nëntori i vitit 2022, janë bërë më shumë se 15.700 përpjekje për të përcaktuar vendndodhjen e telefonave në vende të shumta, përfshirë Tajlandën, Afrikën e Jugut, Norvegjinë, Bangladeshin dhe Malajzinë nëpërmjet infrastrukturës së kompanive të telekomunikacionit me bazë në Izrael.
Qeveria e Izrael ka miratuar një buxhet prej rreth 270 milionë dollarësh për ndërtimin e rrugëve që lidhin vendbanimet në Bregu Perëndimor, raportoi e përditshmja Haaretz.
