Drejtoria e Përgjithshme e Policisë së Shtetit ka bërë të ditur këtë të hënë se, pas dhunës së ushtruar dy ditë më parë në Zvërnec, u është hequr licenca dy subjekteve ShPSF “Myrto Security 1.3A” dhe ShPSF “Major Security”, si përgjegjëse të kësaj situate.
Ministria për Evropën dhe Punët e Jashtme ka reaguar pas deklaratës së Ministrisë së Jashtme të Greqisë për protestën e një dite më parë në Zvërnec, gjatë së cilës u lëndua edhe një shtetas i minoritetit grek.
Përplasjet në Zvërnec kanë shkaktuar edhe reagimin e qeverisë greke. Në një deklaratë zyrtare të ministrisë së jashtme të Greqisë thuhet se një shtetas grek u plagos rëndë në incidentet që ndodhën të shtunën, gjatë një proteste të banorëve kundër ndërtimit të një resorti turistik në një zonë të ndjeshme ekologjike.
Personi që shihni në foto është Gerald Biba, punonjësi i kompanisë private të sigurisë "Major Security", i cili ditën e djeshme dhunoi një qytetar në Zvërnec, që po protestonte kundër ndërtimit të resortit.
Biba është punonjës i kompanisë private “Major Security”, e kontraktuar nga kompania “Zvërnec South Adriatic Development”, e cila po ndërton resortin në zonën e mbrojtur në Vlorë.
Pas dhunës së rojeve private ndaj një protestuesi në Zvërnec dhe pasivitetit të policisë në terren, kryeministri Edi Rama ka paralajmëruar se do të flasë vetë nesër për projektin. Reagimi i tij vjen pas një serie lëvizjesh për të kontrolluar dëmin publik: u godit kompania e sigurisë, u pezulluan drejtuesit vendorë të Policisë së Vlorës dhe reagoi ministri i Brendshëm Besfort Lamallari.
