Sipas shifrave zyrtare izraelite, gjatë 24 orëve të fundit janë plagosur gjithsej 41 ushtarë izraelitë, përfshirë komandantë.
Ushtria izraelite njoftoi sot se të paktën 28 prej tyre u plagosën në betejat në të gjithë Rripin e Gazës, por nuk specifikoi se ku u plagosën të tjerët.
Në vitin 2023, mbi 48 mijë kolonë izraelitë bastisën kompleksin e Xhamisë Al-Aksa në Kudsin Lindor të pushtuar.
Duke folur për Anadolu, një zyrtar në Departamentin e Vakëfit Islam në Kuds tha se gjatë vitit të kaluar, "48.223 kolonë bastisën kompleksin e Xhamisë Al-Aksa".
Qindra persona në kryeqytetin e Suedisë, Stokholm, anuluan festimin e Vitit të Ri në shenjë solidarizimi me popullin e Gazës dhe mbajtën protestë në mbështetje të Palestinës.
Pavarësisht motit të ftohtë, protestuesit u mblodhën në sheshin "Segels Torg" me thirrjen e shumë organizatave të shoqërisë civile dhe në vend të festimit të Vitit të Ri ata mbajtën zi për fëmijët dhe civilët e vrarë nga Izraeli.
Ish-ministri fondacioneve dhe çështjeve fetare të Palestinës dhe ligjëruesi i xhamisë Al-Aksa, Sheikh Yousef Juma Salama humbi jetën në sulmin ajror të Izraelit që shënjestroi shtëpinë e tij në Gaza.
Sipas agjencisë zyrtare palestineze të lajmeve WAFA, ushtria izraelite kreu sulm ajror ndaj shtëpisë së Salama në kampin e refugjatëve Al-Maghazi në pjesën qendrore të Rripit të Gazës.
Regjisori dhe skenaristi i njohur amerikan, Oliver Stone, në lidhje me sulmet izraelite në Rripin e Gazës, tha se nuk ka parë kurrë një masakër të tillë në jetën e tij.
Duke folur në transmetimin në internet të aktivistit amerikan Jose Vega, Stone, i cili njihet edhe për deklaratat e tij për politikën ndërkombëtare dha vlerësimin e tij për politikën izraelite dhe ngjarjet në Gaza.
