Kryeministri i Qipros Turke: Grekët qipriotë nga njëra anë bëjnë thirrje për paqe, në anën tjetër armatosen
Thursday, 28 December 2023 14:31
Kryeministri i Republikës Turke të Qipros Veriore (TRNC), Ünal Üstel tha se po ndjekin buxhetin e mbrojtjes që Administrata e Qipros Greke (GCA) po përpiqet të krijojë për vitin 2024.
Üstel në një prononcim për Anadolu tha se "Qiproja greke e cila nga njëra anë ka bërë përpjekje për armatosje, herë pas here bën thirrje për të ndikuar tek opinioni botëror për ta treguar veten si paqësore dhe për të lançuar sikur Republika Turke e Qipros Veriore (TRNC) qëndron kundër paqes". Üstel tha se retorika dhe veprimet e grekëve qipriotë nuk përputhen me njëra-tjetrën.
