Tuesday, 03 June 2025 12:19
Tiranë- Media turke "Daily Sabah" ka publikuar një artikull ku thuhet se një kopje e rrallë e Kuranit, e dhuruar nga Presidenti Rexhep Tajip Erdogan, po ruhet me kujdes në Xhaminë e Kalasë së Prezës, një vend adhurimi shekullor.
Në artikull shkruhet se xhamia iu nënshtrua restaurimit nga Agjencia Turke për Bashkëpunim dhe Koordinim (TIKA) dhe një ceremoni zyrtare e rihapjes u mbajt më 13 maj 2015, me pjesëmarrjen e Erdoganit dhe zyrtarëve turq dhe shqiptarë.
Gjithashtu "Daily Sabah" shton se ndër sendet më të çmuara të xhamisë është një Kuran i dhuruar nga Erdogan gjatë vizitës së tij në Shqipëri në vitin 2015 për ceremoninë e hapjes së punimeve të Xhamisë së Namazgjahut. Në artikull shkruhet se Kurani, i cili shquhet për kaligrafinë, mjeshtërinë dhe vlerën historike, konsiderohet një artefakt unik.
Read more ...
Tuesday, 03 June 2025 12:06
Anëtarët e aleancës perëndimore NATO duhet të përgatiten për një sulm të mundshëm nga Rusia brenda katër viteve të ardhshme, sipas shefit të mbrojtjes së Gjermanisë.
Gjenerali Carsten Breuer i tha BBC-së se Rusia po prodhonte qindra tanke në vit, shumë prej të cilave mund të përdoren për një sulm ndaj shteteve balltike anëtare të NATO-s deri në vitin 2029 ose edhe më herët.
Ai gjithashtu këmbënguli që NATO, Organizata e Traktatit të Atlantikut të Veriut, të mbetet e bashkuar sa i përket luftës në Ukrainë, pavarësisht dallimeve në opinione të shprehura së fundmi nga Hungaria dhe Sllovakia.
Komentet e tij vijnë disa javë përpara një samiti të vendeve të NATO-s në Hagë, ku pritet të diskutojnë buxhetet e mbrojtjes, ndër tema të tjera.
Read more ...
Monday, 02 June 2025 23:52
Rusia dhe Serbia nuk kanë më një raport të mirë mes tyre, të paktën pas një zbulimi të Moskës. Shërbimi i Jashtëm i Zbulimit të Rusisë (SVR) akuzoi industrinë serbe të mbrojtjes për furnizimin e Ukrainës me armë, pavarësisht qëndrimit zyrtar të neutralitetit që ka mbajtur Beogradi në lidhje me luftën.
Sipas një deklarate të publikuar në faqen zyrtare të SVR-së, të paktën shtatë kompani kryesore të industrisë serbe të mbrojtjes kanë dërguar qindra mijëra raketa dhe miliona fishekë për armë të vogla drejt Ukrainës, duke përdorur, siç pretendohet, “certifikata të rreme të përdoruesit final”.
Read more ...
Saturday, 31 May 2025 13:06
Zyra e Mediave për të Burgosurit Palestinezë raporton se mbi 700 persona nga Gaza janë arrestuar nga forcat izraelite vetëm gjatë muajit maj. Kështu, numri i përgjithshëm i palestinezëve të marrë nga Rripi i Gazës që nga fillimi i luftës ka kaluar 12,000.
Sipas të dhënave, më shumë se 3,500 persona nga Gaza ndodhen ende në burgje izraelite. Të paktën 44 palestinezë nga Gaza kanë vdekur gjatë kohës që kanë qenë të burgosur. Izraeli mban 1,846 persona si të ashtuquajtur “luftëtarë të paligjshëm”, status që ua mohon të drejtat ligjore.
Read more ...
