Avioni i parë me hidrogjen

Thursday, 22 May 2025 13:04

• Written by /A2 Televizion

“Airbus” ka prezantuar projektin e tij të ri revolucionar, ZeroE, një avion komercial me energji të pastër që funksionon plotësisht me hidrogjen, raporton CNN Travel. Ky avion i avancuar, me katër motorë të veçantë elektrikë, pritet të hyjë në përdorim nga mesi i viteve 2030, me një shtyrje nga data fillestare e parashikuar për vitin 2035.

ZeroE përfaqëson një hap gjigant drejt aviacionit të qëndrueshëm, pasi e vetmja mbetje nga procesi i energjisë do të jetë uji, duke e bërë të mundur që fluturimet transatlantike të realizohen me emetime zero karboni, me kusht që hidrogjeni të prodhohet nga burime të rinovueshme.

Sipas Airbus, projekti nisi në vitin 2020 për të testuar dy teknologji: djegien direkte të hidrogjenit. ZeroE është pjesë e nismës Hydrogen Hubs at Airports, që synon të krijojë një rrjet global të prodhimit dhe shpërndarjes së hidrogjenit.

Në këtë program kanë hyrë dhjetëra aktorë të industrisë ajrore si Delta Air Lines, SAS, EasyJet, Wizz Air, Iberia dhe Air New Zealand, duke çuar përpara vizionin e një të ardhmeje të pastër për udhëtimet ajrore. 

Forcat i.zraelite rrethojnë spitalin në Gaza, mjekja britanike ngre alarmin

Wednesday, 21 May 2025 22:39

• Written by AA

Në mes të përshkallëzimit të konfliktit në Gaza, spitalet kryesore po përballen me sfida të jashtëzakonshme që kërcënojnë jetën e qindra pacientëve.

Ministri i jashtem i.zraelit, kerkon arrestimin e kryetarit të opozitës Yair Golan, pasi ky i fundit tha se "I.zraeli v.ret foshnja për hobi"

Wednesday, 21 May 2025 19:07

• Written by Mexhlis

Lideri i opozitës izraelite dhe ish-zëvendësshefi i Shtabit të Përgjithshëm të IDF-së, Yair Golan, ka ndezur një furtunë politike pasi deklaroi atë që shumë njerëz në botë e kanë thënë me muaj të tërë: “Një vend i arsyeshëm nuk vret foshnja për hobi.”

Deklarata tronditëse, e bërë gjatë një interviste radiofonike më 20 maj, ishte një goditje e drejtpërdrejtë ndaj qeverisë së djathtë ekstreme të Izraelit për bombardimet e pamëshirshme në Gaza, fushatë që ka vrarë të paktën 17.400 fëmijë palestinezë që nga tetori 2023.

Read more ...

Assange merr pjesë në Kanë i veshur me bluzë me emrat e mijëra fëmijëve të vrarë në Gaza

Wednesday, 21 May 2025 13:46

• Written by /AA

Themeluesi i Wikileaks, Julian Assange, mori pjesë në Festivalin e 78-të të Filmit në Kanë i veshur me një bluzë me emrat e 4.986 fëmijëve të vrarë nga Izraeli në Gaza, raporton Anadolu.

Në një deklaratë të bërë nga llogaria në X e Komitetit të Mbështetjes së Assange, u tha se publicisti dhe aktivisti i njohur mori pjesë në Festivalin e Filmit në Kanë në Francë për shfaqjen e dokumentarit të titulluar “Njeriu gjashtë miliardë dollarësh” të përgatitur për të.

Në deklaratë thuhet se Assange mori pjesë i veshur me një bluzë me emrat e 4.986 fëmijëve nën moshën 5 vjeç të vrarë nga Izraeli në Gaza që nga 7 tetori 2023, ndërsa në pjesën e pasme të bluzës shkruhej “Stop Israel”.

Festivali i 78-të i Filmit në Kanë, që mbahet në jug të Francës, do të zgjasë deri më 24 maj.