Lidhje


Harta e re me 46 bashki, a do të përmirësohen shërbimet apo do të thellohet largimi i qytetarëve?!

Shqipëria po përgatitet të ndryshojë për herë të dytë, brenda pak më shumë se një dekade, hartën e qeverisjes vendore. Projektligji i mazhorancës propozon uljen e numrit të bashkive nga 61 në 46, duke bashkuar 15 prej tyre me njësitë më të mëdha fqinje.

Por debati nuk duhet të kufizohet te numri i bashkive. Pyetjet thelbësore janë nëse harta e re do të arrijë të bëjë një menaxhim më të mirë të zonës në njësinë që mbulon pushteti vendor dhe do t’i përmirësojë realisht shërbimet për qytetarët.

Read more ...


Mungesa e fuqisë punëtore, Shqipëria kthen sytë nga Azia

Mungesa e fuqisë punëtore në turizëm, ndërtim dhe sektorë të tjerë po detyron vendet e Ballkanit të rekrutojnë punonjës nga Nepali, Filipinet, Vietnami dhe Indonezia, ndërsa Shqipëria ka nënshkruar marrëveshje të reja me Vietnamin dhe Indonezinë.

Për tre dekada, vendet e Ballkanit kanë qenë kryesisht eksportuese të fuqisë punëtore drejt ekonomive më të zhvilluara.

 

Tashmë, për shkak të emigracionit, rënies së popullsisë dhe kërkesës në rritje për punonjës, vendet e rajonit po i drejtohen gjithnjë e më shumë Azisë për të plotësuar nevojat e tregut të punës.

Sipas një analize të bne IntelliNews, Shqipëria dhe Kroacia janë ndër vendet që po e ndjekin këtë tendencë.

Read more ...


Bulmeti i huaj po mbush tregun/ Nga qumështi te vezët, fatura që Shqipëria paguan po qëndron në nivele historike

Nga qumështi te djathi, vezët dhe mjalti, fatura që Shqipëria paguan për produktet e sjella nga jashtë po qëndron në nivele historikisht të larta. Vetëm në korrik 2026, importet e kësaj kategorie arritën në rreth 784 milionë lekë, duke shënuar vlerën e dytë më të lartë mujore të regjistruar në më shumë se dy dekada dhe duke konfirmuar varësinë në rritje të tregut vendas nga furnizimet e huaja.

 

Rekordi historik mbetet korriku i vitit 2025, kur importet arritën në rreth 815 milionë lekë. Kështu, pavarësisht se këtë korrik fatura rezultoi rreth 3.8% më e ulët se një vit më parë, ajo mbetet shumë pranë nivelit rekord. Krahasuar me qershorin 2026, importet u rritën me rreth 13%, nga 694 milionë në 784 milionë lekë.

Read more ...


Skenarët e përsëritur/ Veliaj përdor mediat e huaja për të kërcënuar drejtësinë dhe Shqipërinë

Shkrimet e publikuara në mediat e huaja në mbrojtje të kryebashkiakut të Tiranës, Erion Veliaj, po nxjerrin më shumë në pah mënyrën se si po financohet dhe orkestrohet një fushatë e mirëfilltë PR-je ndërkombëtare.

 

Kjo fushatë shfaqet sa herë Erion Veliaj duhet të përballet me gjykatat, ka një seancë në Kushtetuese, GJKKO apo Administrative, fillojnë shkrimet. Së fundi pritet një vendim i Gjykatës së Lartë më 15 shtator, dhe filluan sulmet, kërcënimet apo publikimet me akuza kundër drejtësisë në mesin e pushimeve dhe vapës.

Read more ...


U bë i biri ministër, prindërit e Andis Sallës “kapin” tregun e pesticideve

Emërimi i Andis Sallës në krye të Ministrisë së Bujqësisë duket se ka sjellë një kthesë të fortë për biznesin familjar. Firma "Salla" sh.p.k., me bazë në Katund të Ri në Elbasan dhe në pronësi të prindërve të tij, Gëzim dhe Merita Salla, ka zgjeruar me shpejtësi aktivitetin në tregtimin e pesticideve dhe plehrave kimike gjatë 9 muajve të fundit.

 

Sipas të dhënave, shoqëria "Salla" sh.p.k., me objekt importin dhe tregtimin e farërave, fidanëve dhe makinerive bujqësore, për rreth 30 vite ka operuar vetëm në nivel pakice me fitime minimale prej 4 deri në 15 mijë lekësh në muaj. Madje, për periudhën 2023-2025, bilancet e deklaruara nga prindërit e ministrit raportonin humbje financiare nga 3 deri në 4 milionë lekë të reja.

 

Gjendja ka ndryshuar pas marrjes së postit ministror nga i biri. Subjekti i familjes Salla dyshohet se është përfshirë në tregtimin masiv të inputeve bujqësore përmes bashkëpunimit me kompani importuese monopol, duke shërbyer si ndërmjetës mes distributorëve të mëdhenj dhe tregtarëve rajonalë në zonën e Elbasanit e më gjerë.

 

Përveç ndërmjetësimit në tregun e pesticideve dhe plehrave kimike, ngrihen dyshime se prindërit e ministrit po luajnë rol ndërmjetësues edhe në procedurat administrative që mbulon Ministria e Bujqësisë. Ndër to përmenden tenderët publikë, fondet e financimit, projektet e investimeve, dhënia e tokave me koncesion dhe pajisja me licenca zyrtare.

XS
SM
MD
LG