Belgjika kërkon gjysmën e lekëve që SPAK i ka sekuestruar dy vëllezërve nga Fushë-Kruja dhe një tjetri në Vlorë
Qeveria belge kërkon pjesën e saj nga paratë që SPAK u ka sekuestruar grupeve kriminale shqiptare për hetimet që kanë nisur nga Belgjika. Dy ministre belge, ajo e drejtësisë dhe ministrja e emigracionit do të diskutojnë gjatë vizitës së tyre të posaçme në Shqipëri dhe Kosovë, edhe për ndarjen e parave të sekuestruara nga narkotrafiku.
"Misioni do të përfshijë gjithashtu diskutime mbi një letër qëllimi në lidhje me ndarjen e aseteve, duke lejuar që një pjesë e të ardhurave kriminale të sekuestruara në Shqipëri ose Kosovë si rezultat i hetimeve të udhëhequra nga Belgjika të kthehen në thesarin belg," raportoi agjencia belge e lajmeve, belganewsagency.
Barcelona marshon për Palestinën, mbi 70 mijë njerëz kërkojnë fundin e luftës
Mijëra njerëz kanë marshuar nëpër qendër të Barcelonës në mbështetje të Palestinës, duke kërkuar fundin e luftës në Gaza dhe fundin e tregtisë së armëve me Izraelin.
Pas një banderole të madhe të kuqe që shkruante “Ndaloni gjenocidin në Palestinë. Ndaloni tregtinë e armëve me Izraelin”, të paktën 70,000 protestues, sipas policisë së qytetit, marshuan paqësisht nëpër rrugët e qendrës së qytetit, duke thirrur slogane si “Bojkotoni Izraelin!” dhe “Çlironi Palestinën!”
Gati paqja Hamas-Iz.rael, reagon Presidenti i Autoritetit Palestinez
Presidenti palestinez Mahmoud Abbas ka mirëpritur reagimin e Hamasit ndaj planit të paqes të Donald Trump. Ai përsëriti thirrjet për një armëpushim të menjëhershëm në Gaza dhe falënderoi SHBA-në, vendet arabe dhe ato islamike për përpjekjet e tyre në punën drejt paqes.
Abbasi “konfirmoi gatishmërinë e Shtetit të Palestinës për të punuar në mënyrë konstruktive me Presidentin Amerikan Donald Trump që nga ky moment dhe me të gjithë partnerët përkatës”.
Finlanda hedh poshtë rastin gjyqësor për dëmtimin e kabllove në Detin Baltik
Një gjykatë e qarkut në Finlandë vendosi se shteti nuk ka juridiksion që të ndjekë penalisht kapitenin dhe dy oficerë të cisternës së naftës Eagle S. Ata akuzoheshin për dëmtimin e kabllove nënujore të rrymës dhe internetit në Detin Baltik vitin e kaluar.
Procesi gjyqësor ishte ndër përpjekjet e para ligjore për të ndëshkuar të dyshuarit për dëmtimin e infrastrukturës kritike nënujore, por çështja u ndërlikua për shkak të dispozitave në Ligjin e të drejtës ndërkombëtare detare dhe për shkak të vështirësisë për të provuar se ngjarja kishte qëllim kriminal.
Trump i kthen përgjigje shakasë së Ramës: I nxjerr foton me McGonigal
Nuk kanë kaluar as 24 orë nga batutat e Ramës për presidentin Donald Trump dhe menjëherë nga Shtetet e Bashkuara ka ardhur një “reagim” i hidhur për kryeministrin tonë. Për herë të parë është publikuar foto e Charles McGonigal, ish-shefit të zyrës së kundërzbulimit të FBI në New York, aktualisht i burgosur në zyrën e Edi Ramës në kryeministri. Me gjasë ky është takimi i tyre i parë në datën 9 shtator 2017.
Fakti që McGonigal dhe Rama janë takuar bashkë në kryeministri nuk është një lajm i ri. Ky është konfirmuar në dosjen e FBI dhe është pranuar edhe nga vetë Rama. Takimi u mundësua nga ish-këshilltari i Ramës Dorian Duçka dhe ish agjenti i SHIK, Agron Neza. Në këtë takim është folur për licencat e naftës në jug të vendit dhe pikërisht këtu ka lindur miqësia mes Edi Ramës dhe McGonigal.