Lidhje


Astiri plot me plehra, banorët kërkojnë pastërti

Banorët e zonës së Astirit, ngrenë shqetësimin për grumbullimin e mbetjeve dhe vendosjen e koshave pranë këndit të lojërave. Sipas tyre, situata është kthyer në një problem serioz për komunitetin dhe veçanërisht për fëmijët, pasi mbeturinat qëndrojnë për orë të tëra në zonë, duke krijuar ndotje dhe kushte të papërshtatshme.

Banorët i bëjnë thirrje Bashkisë së Tiranës të marrë masa për zgjidhjen e situatës dhe të shqyrtojë zhvendosjen e koshave në një hapësirë tjetër, larg këndit të lojërave dhe zonave të banuara. Ata kërkojnë ndërhyrje sa më të shpejtë për të garantuar një mjedis më të pastër dhe të sigurt për banorët dhe fëmijët e lagjes.

 
 

Denoncim:

Në Astir, te pallatet “Eja Studio”, është krijuar një situatë e papranueshme. Siç mund ta shikoni, lagjja është bërë pothuajse e pabanueshme nga mbeturinat. Ky shqetësim nuk është vetëm për banorët, por veçanërisht për fëmijët, pasi koshat e mbeturinave ndodhen pranë këndit të lojërave. Vetëm në Shqipëri ndodh që koshat të vendosen në të njëjtin vend me hapësirat ku luajnë fëmijët. Për më tepër, kjo situatë nuk ndodh vetëm një herë, por koshat qëndrojnë aty gjatë gjithë ditës. I bëj thirrje Bashkisë Tiranë të marrë masa dhe të gjejë një zgjidhje, duke i zhvendosur koshat në një vend tjetër, larg këndit të lojërave dhe banesave.


Nga nesër më pak autobusë! Operatorët e transportit publik paralajmërojnë reduktim të flotës

Operatorët e transportit publik kanë paralajmëruar reduktim të flotës së autobusëve me 20-30%, duke filluar nga 1 Shtatori.

Në një letër drejtuar Bashkisë Tiranë, Kryeministrit dhe ministrive përkatëse, operatorët shprehen se paralajmërimi vjen si pasojë e kostove të karburantit dhe mosrealizimit të kompensimeve të kërkuara.

 

 

Shoqata vë në dukje mungesën e mbështetjes financiare të premtuar nga ana e qeverisë, çka i detyron sipas tyre, të vendosin vijimin e punës me kapacitet të reduktuar.

Reduktimi i flotës nënkupton më pak autobusë, rritje të intervaleve mes linjave dhe më shumë vështirësi për qytetarët.

Operatorët i kërkojnë institucioneve ndërhyrje urgjente për realizimin e kompensimeve dhe vijimin e mbështetjes për kostot e karburantit.


Përtej anijes “Vlora”/ Tre eksodet që ndryshuan Shqipërinë

Tre javë më parë, Bashkia e Barit organizoi një ceremoni për 35-vjetorin e mbërritjes së anijes “Vlora”, e cila më 8 gusht 1991 zbarkoi në qytetin italian rreth 20 mijë shqiptarë të nisur nga Durrësi.

Mediat italiane që përcollën ceremoninë cituan kryebashkiakun Vito Leccese, i cili kujtoi pritjen që qytetarët e Barit u rezervuan shqiptarëve, duke e cilësuar atë si një dëshmi të “solidaritetit dhe humanizmit të komunitetit”.

Read more ...


Zelensky urdhëron ushtrinë të rrisë sulmet me 1,000 dronë në ditë kundër Rusisë

Presidenti ukrainas Volodymyr Zelensky  tha se kishte urdhëruar forcat e armatosura të vendit të rrisnin sulmet me dronë me rreze të gjatë veprimi kundër Rusisë në 1,000 në ditë, nga rreth 300 që janë aktualisht.

“Duhet të ketë më shumë: ekziston një qëllim specifik dhe ne do ta përmbushim këtë detyrë”, tha ai në një fjalim pasdite.

 

 

Prodhimi i benzinës në Rusi ra në rreth 70% të niveleve të kërkesës së brendshme në fund të gushtit, pasi një seri sulmesh me dronë ukrainasë detyruan rafineritë kryesore të pezullojnë operacionet, thanë dy burime të industrisë.

Ukraina ka shtuar sulmet ndaj infrastrukturës energjetike ruse në një përpjekje për të ulur të ardhurat e Moskës nga eksporti i naftës. Mungesa e karburantit goditi përsëri rajonet ruse në gusht pas një pushimi të shkurtër në fund të korrikut, kur disa autoritete lokale filluan të lehtësojnë ose heqin kufizimet në shitjen e karburantit.

 

 

Prodhimi i benzinës në fund të gushtit ra në të njëjtin nivel që ishte në fillim të korrikut, thanë burimet.

Javën e kaluar, pas sulmeve nga dronë ukrainasë, disa rafineri të mëdha, të cilat janë të gjitha njësi të rëndësishme të prodhimit të benzinës, duke përfshirë ato në qytetin e Permit, Nizhny Novgorod dhe Yaroslavl, pushuan së funksionuari.

 

XS
SM
MD
LG