Lidhje


Tirana i përgjigjet Podgoricës: “Shqipëria nuk është pjesë e asnjë skenari destabilizues”

 

Ministri për Evropën dhe Punët e Jashtme, Ferit Hoxha, ka reaguar ndaj raportimeve nga Mali i Zi që e përfshijnë Shqipërinë, së bashku me Serbinë, në një skenar të pretenduar destabilizues. Hoxha theksoi se ndaj Shqipërisë nuk ekziston asnjë akuzë zyrtare dhe hodhi poshtë kategorikisht çdo përfshirje të Tiranës në veprimtari hibride kundër Malit të Zi.

Read more ...


Hapen portat e HEC-i dhe rritet niveli i Drinit, rrëmbehen 5 familjarë. Një e mitur dyshohet e mbytur

Pesë pjesëtarë të një familjeje janë marrë nga rrjedha e fuqishme e lumit Drin në Gjoricë të Bulqizës, pasi niveli i ujit u rrit papritur pas hapjes së portave të një hidrocentrali në Dibër të Madhe, ku po freskoheshin pasditen e djeshme.

 

Pas njoftimit të dhënë nga familjarët rreth orës 21:00, shërbimet e Policisë ndërhynë menjëherë në vendngjarje dhe, pas një operacioni kërkim-shpëtimi që zgjati rreth 4 orë, mundën të shpëtonin katër prej tyre. Ndërkohë, vijojnë intensivisht kërkimet për gjetjen e fëmijës rreth 7 vjeç, e cila dyshohet se është mbytur pasi u mor nga rryma e fuqishme e lumit.


Austria i bllokon llogaritë bankare Veliajt, SPAK-u ynë e fal

Drejtësia austriake ka vendosur bllokimin e llogarive bankare të Arbër Veliajt, njeriut të “punëve të pista” të Erionit, ndërsa në Shqipëri, pavarësisht përfshirjes së emrit të tij në hetimet e SPAK, nuk është bërë e ditur ndonjë masë personale ndaj tij.

 
 

Arbër Veliaj zotëron 100% të kompanisë “Gogel GmbH”, e cila zotëron në masën 100% edhe “Reg Investitions GmbH”, ndërsa të dyja kompanitë kanë të njëjtën adresë në Vjenë. Sipas të dhënave të publikuara, aktiviteti i këtyre kompanive ka qarkulluar miliona euro.

 

 

Dhe pikërisht këtu qëndron pyetja që kërkon përgjigje, nëse drejtësia austriake ka ndërhyrë mbi llogaritë e Arbër Veliajt, pse në Shqipëri nuk është marrë deri tani një masë e drejtpërdrejtë ndaj tij? SPAK e ka marrë Veliajn në pyetje dhe emri i tij është përmendur në kuadër të hetimit financiar, ndërsa aktiviteti i kompanisë së tij është kontrolluar nga BKH. Përballë këtij kontrasti, heshtja e SPAK krijon pikëpyetje publike: a po hetohet Arbër Veliaj si person përgjegjës, apo vetëm bizneset dhe transaksionet e lidhura me të? Dhe nëse ka dyshime të mjaftueshme për ndërhyrje nga autoritetet austriake, çfarë e pengon drejtësinë shqiptare të marrë masa?


Harta e re, beteja që nis para zgjedhjeve/ Ekspertët: Kufijtë e bashkive mund të ndikojnë garën e 2027

Mazhoranca synon të miratojë hartën e re territoriale në sesionin e vjeshtës, por ekspertët e zgjedhjeve paralajmërojnë se kjo do të krijojë presion mbi afatet dhe standardet e zgjedhjeve të pritshme lokale.

Projektligji i propozuar nga Partia Socialiste në pushtet për ndryshimin e hartës administrativo-territoriale, që synon të zvogëlojë numrin e njësive të qeverisjes vendore nga 61 në 46 bashki, është në fazën e konsultimeve, pavarësisht protestave në bashkitë që pritet të shkrihen.

 

Read more ...

XS
SM
MD
LG