Lidhje


Putin:Rusia po përparon në drejtim të bastionit të Ukrainës në qytetin Siversk

Presidenti i Rusisë, Vladimir Putin, ka deklaruar se forcat ruse po përparojnë në drejtim të qytetit Siversk të Ukrainës, transmeton Anadolu. Duke folur në një takim me fituesit e konkursit “Liderët e Rusisë”, Putin tha se trupat ukrainase fortifikuan zonën, por theksoi se “ka përparim atje”. Forcat ruse pushtuan qytetin Siversk në korrik të vitit 2022 dhe e kishin nën kontroll deri në muajin shtator të po të njëjtit vit, por më pas e braktisën vendbanimin për shkak të vështirësive që lidhen me mbajtjen e tij. Qyteti lindor është një bastion i Ukrainës dhe shefat ushtarakë kishin deklaruar se forcat ruse nuk do të jenë në gjendje ta marrin kontrollin e qytetit.

Read more ...


Të vritesh në pritje të 'jetës'/Izraeli sulmon palestinezët që prisnin për ndihma, 7 të vrarë

Në sulmin e ushtrisë izraelite që shënjestroi palestinezët të cilët prisnin ardhjen e kamionëve me ndihma në Rripin e Gazës, humbën jetën 7 persona ndërsa mbi 20 të tjerë u plagosën, raporton Anadolu. Zëdhënësi i njësisë së Mbrojtjes Civile në Rripin e Gazës, Mahmud Basal në një deklaratë për AA tha se ushtria izraelite shënjestroi palestinezët që po prisnin kamionët me ndihma në afërsi të kryqëzimit të Kuvajtit në lindje të Gazës. Agjencia zyrtare palestineze e lajmeve WAFA ka dhënë informacion lidhur me sulmet që Izraeli vazhdon prej 158 ditësh.

Read more ...


Rabini izraelit bën thirrje për infanticid në Gaza/ "Gratë palestineze janë ato që krijojnë terroristë"-tha ai

Rabini i ekstremit të djathtë Eliyahu Mali, i cili punon në një shkollë fetare në Izrael, u tha studentëve të tij ushtarakë se "foshnjat e sotme janë luftëtarët e së nesërmes" në Rripin e Gazës dhe se të gjithë duhet të vriten, transmeton Anadolu. Sipas gazetës "Yedioth Ahronoth", rabini Mali, duke folur në një konferencë në Jaffa, i bëri thirrje komunitetit të tij që shërben në ushtrinë izraelite që "të vrasin të gjithë në Gaza". Ai mbron idenë se kjo është në përputhje me besimin hebraik. "Sipas ligjit, asnjë shpirt nuk duhet të jetojë sepse kjo është një luftë Mitzvah (për të shpëtuar Izraelin nga armiqtë e tij dhe për t'u vendosur në tokat e pushtuara). Nëse nuk i vrisni, ata do t'ju vrasin", tha ai.

Read more ...


“Ukraina duhet të ngrejë flamurin e bardhë”/ Deklarata e Papës zemëron Europën

Qeveria ukrainase iu përgjigj me zemërim dhe u zotua të mos dorëzohet kurrë deklaratave të Papa Françeskut se Kievi duhet të ketë “guximin për të ngritur flamurin e bardhë” dhe për të negociuar përfundimin e luftës me Rusinë. Në një intervistë të transmetuar të shtunën nga televizioni zviceran, për të cilën Vatikani tha se ishte kryer në shkurt, Papa u kërkoi palëve në Ukrainë që “të kenë guximin për të negociuar” dhe ta bëjnë këtë “para se gjërat të përkeqësohen”.

Read more ...


India implementon ligjin ksenofob, 'anti-musliman' të shtetësisë të vitit 2019 disa javë para zgjedhjeve

Qeveria e kryeministrit Narendra Modi shpall rregullat për të zbatuar ligjin e diskutueshëm, disa javë përpara se ai të kërkojë një mandat të tretë (të pazakontë) në maj. Qeveria indiane ka shpallur rregullat për zbatimin e Aktit të Ndryshimit të Shtetësisë (CAA), disa javë përpara se kryeministri Narendra Modi të kërkojë një mandat të tretë  për qeverinë e tij nacionaliste hindu.Ligji i diskutueshëm i miratuar në vitin 2019 nga qeveria e Modit lejoi shtetësinë indiane për refugjatët jomuslimanë nga vendet fqinje të Indisë.

Read more ...

XS
SM
MD
LG