Lidhje


Shqipëria, ndër vendet me konsumin më të ulët të energjisë për familje në Europë

 

Shqipëria rezulton ndër vendet me konsumin më të ulët të energjisë në familje për banor në Europë, sipas të dhënave më të fundit të Eurostat për vitin 2024. Konsumi final i energjisë në familje ishte 220 kilogramë ekuivalent nafte (kgoe) për banor, shumë më poshtë se mesatarja e Bashkimit Europian prej 507 kgoe për banor. (Ky tregues mat energjinë nga burime të ndryshme, si energji elektrike, gaz, naftë/produkte nafte, dru dhe lëndë të tjera djegëse, të shndërruara në një njësi të përbashkët: kilogramë ekuivalent nafte (kgoe) ne një vit).

 

Me këtë nivel, Shqipëria renditet ndër vendet me konsumin më të ulët në Europë, duke lënë pas vetëm Maltën. Konsumi shqiptar ishte më pak se gjysma e mesatares së BE-së dhe dukshëm më i ulët edhe se vendet e rajonit, si Maqedonia e Veriut (261 kgoe), Mali i Zi (472), Serbia (508) dhe Bosnjë-Hercegovina (513).

 

Të dhënat e brendshme e shpjegojnë këtë renditje me mënyrën e ngrohjes së banesave në Shqipëri. Sipas iNSTAT përdorimi i druve, qymyrit dhe materialeve të tjera të ngurta mbetet shumë i përhapur si burim kryesor ngrohjeje në disa qarqe, ndërsa në zona të tjera përdorimi i energjisë elektrike është më i lartë.

 

Një studim mbi varfërinë energjetike në Shqipëri, i bazuar në të dhëna të Eurostat, ka treguar gjithashtu se sobat individuale janë sistemi më i zakonshëm i ngrohjes, ndërsa një pjesë e familjeve nuk kanë fare sistem ngrohjeje, duke bërë që konsumi për banor mbetet i ulët, sidomos krahasuar me vendet europiane ku ngrohja e banesave është e bazuar të gazi i lëngshëm.

 

Në Bashkimin Europian, në vitin 2024, 61,5% e energjisë së përdorur nga familjet shkoi për ngrohjen e banesave, 15,6% për ngrohjen e ujit dhe 14,8% për ndriçimin dhe pajisjet elektrike. Kjo tregon se kushtet klimatike dhe nevoja për ngrohje janë faktorë të rëndësishëm në nivelin e konsumit familjar të energjisë.

 

Ndërkohë, të dhënat e INSTAT tregojnë se shpenzimet për banesën, ku përfshihen energjia elektrike, uji, karburantet dhe qiraja, zinin 9,6% të buxhetit mujor të familjeve shqiptare në vitin 2024, me një shpenzim mesatar prej 8.944 lekësh në muaj.

 

Shqipëria ende nuk ka projekt për gazifikimin e vendit dhe një pjesë e madhe e konsumatorëve sidomos familjeve nuk arrijnë të ngrohin banesën me asnjë lloj energjie gjatë periudhës së dimrit./ Monitor


Gylenistët, izraelitët dhe Ergys Agasi, bëhen bashkë në Equos Resort

 

Hetimet që SPAK ka hapur mbi kompanitë e lidhura me TIMAK-un e Ron Yeffet dhe kontratat e sektorit të mbrojtjes po çojnë drejt një pike tjetër ku kryqëzohen interesa të mëdha biznesi: Equos Resort. Resorti dhe territori përreth tij, i lidhur tashmë me dosjen e Ergys Agasit dhe hetimet për aferën e AKSHI-t, shfaqet edhe në pistën e re që po ndiqet për Arjeta Pucën dhe biznesmenin Ron Yeffet.

Read more ...


Kuvendi Kosoves miraton në parim ndryshimet për Specialen, çfarë ndodh tani me projektligjin?

 

Kuvendi i Kosovës ka miratuar në parim projektligjin për ndryshimin e Ligjit për Dhomat e Specializuara.

Në votim morën pjesë 91 deputetë.

 

Të gjithë votuan në favor të projektligjit, pa asnjë votë kundër dhe asnjë abstenim.

Projektligji duhet të kalojë edhe në lexim të dytë për t’u miratuar përfundimisht.

 

Çfarë ndodh tani me projektligjin?

Miratimi në parim nuk e përfundon procedurën për ndryshimin e Ligjit për Dhomat e Specializuara.

 

Projektligji tani duhet të shqyrtohet nen për nen në komisionin përgjegjës, ku mund të propozohen edhe amendamente.

Pas kësaj, ai duhet të rikthehet në Kuvend për lexim të dytë dhe votim përfundimtar.

 

Rregullorja e Kuvendit lejon që, në rrethana të caktuara, të shmangen afatet e zakonshme procedurale, nëse këtë e propozojnë së paku gjashtë deputetë dhe e mbështesin dy të tretat e deputetëve të pranishëm.

 

Aleanca tashmë ka kërkuar që projektligji të votohet edhe në lexim të dytë gjatë ditës së sotme.

 


Vetëm 14% e shqiptarëve verifikojnë informacionin online, ndër më të ulëtat në Europë

 

Në një kohë kur lajmet, informacioni dhe përmbajtjet që konsumojmë çdo ditë kalojnë gjithnjë e më shumë përmes ekranit të telefonit apo kompjuterit, një pjesë shumë e vogël e shqiptarëve shkon një hap më tej, të kontrollojë nëse ajo që lexon online është e vërtetë.

Vetëm 14.34% e individëve në Shqipëri të moshës 16–74 vjeç u përpoqën të verifikonin vërtetësinë e informacionit ose përmbajtjes që gjetën në internet, duke përdorur burime të tjera, sipas raportit të Eurostat për vlerësimin e të dhënave, informacionit dhe përmbajtjes digjitale.

 

Kjo e vendos Shqipërinë ndër vendet me përqindjen më të ulët në Europë dhe shumë poshtë mesatares së Bashkimit Europian, prej 29.16%.

 

Shqipëria renditet e treta nga fundit në Europë në këtë tregues. Përqindje edhe më të ulëta u regjistruan në Greqi, me 9.78%, dhe Serbi, me 11.13%. Pas Shqipërisë vijnë Lituania me 14.92%, Turqia me 16.93%, Bosnjë-Hercegovina me 18.02% dhe Rumania me 18.19%.

 

 

Në rajonin e Ballkanit Perëndimor, individët e Malit të Zi regjistruan një verifikim informacioni pak më të lartë, në nivelin e 21.43%. Individët e Maqedonisë së Veriut janë më skeptikët për lajmet online në rajon, me 24.22%, që e verifikojnë informacionin.

 

Në anën tjetër të tabelës janë vendet ku verifikimi i informacionit online është shumë më i përhapur. Irlanda kryeson me 63.64%, e ndjekur nga Holanda me 53.06% dhe Luksemburgu me 45.24%. Suedia shënon 44.61%, Finlanda 39.60%, ndërsa Belgjika 36.25%.

 

Në total, rreth 3 në 10 persona në BE verifikuan në vitin 2025 vërtetësinë e informacionit ose përmbajtjes që gjetën në internet. Eurostat e mat këtë tregues përmes anketës mbi përdorimin e teknologjive të informacionit dhe komunikimit nga individët.

 

Sipas Eurobarometrit të Komisionit Europian, në një mjedis ku informacioni online është bërë pjesë e përditshmërisë, rreziku i përballjes me përmbajtje të rreme apo manipuluese është gjithnjë më i madh.

 

Po sipas këtij raporti, 66% e europianëve thonë se janë përballur të paktën herë pas here me dezinformim apo lajme të rreme, ndërsa 82% e konsiderojnë informacionin e rremë ose që shtrembëron realitetin një problem për demokracinë.

 


Thellohet skandali me Raiffeisen Bank, paratë zhduken edhe nga llogaritë e bllokuara

 

Situata me zhdukjen e parave nga llogaritë e Raiffeisen Bank ka marrë përmasa edhe më alarmante, pasi të dhënat më të fundit të mbërritura në redaksinë e JOQ Albania tregojnë se nuk kemi të bëjmë thjesht me qytetarë që kanë rënë pre e ndonjë mesazhi kurth. Fakte të reja zbulojnë se sistemi i sigurisë së vetë bankës ka rënë tërësisht, duke lënë llogaritë e shqiptarëve pa asnjë mbrojtje.

 

Denoncimet tronditëse të qytetarëve dëshmojnë se edhe pasi kanë marrë masat e menjëhershme duke bllokuar kartat e tyre bankare, paratë vazhdojnë të zhduken nga llogaritë sikur të mos kishte ndodhur asgjë. Kjo rrëzon përfundimisht çdo pretekst apo justifikim se faji është i klientëve që kanë klikuar linqe të dyshimta, sepse nëse një kartë është e bllokuar zyrtarisht nga vetë sistemi, asnjë transaksion nuk duhet të lejohej të kryhej.

 

Kjo situatë flet qartë se hakerat ose autorët e këtij sulmi kanë depërtuar thellë në bërthamën e sistemit të bankës, duke anashkaluar çdo pengesë të sigurisë dixhitale. Kur një nga institucionet më të mëdha financiare në vend nuk arrin dot të ndalojë vjedhjen e parave as pas bllokimit të kartës dhe fsheh vendndodhjen e transaksioneve në aplikacion, pyetja nuk është më se si u mashtruan qytetarët, por se sa të sigurta janë realisht paratë e shqiptarëve në këtë bankë.

XS
SM
MD
LG