Guardia di Finanza ka arrestuar kryetarin e bashkisë së Sorrentos në Itali, Massimo Coppola. Sipas mediave italiane, kryetari i bashkisë akuzohet për krime kundër administratës publike. Coppola u ndalua mbrëmë, ndërsa po fuste në xhep disa para, gjatë një darke në të cilën mori pjesë pas një eventi sportiv.
Kryetari i bashkisë dyshohet se u kap në flagrancë, ndërsa përvetësonte 6 mijë euro nga një sipërmarrës, në lidhje me kontratën për caktimin e shërbimeve të mensës shkollore për periudhën 2023-2026, të dhënë të njëjtit sipërmarrës nga Bashkia e Sorrentos, për një vlerë totale bazë ankandi prej mbi 4.5 milionë eurosh.
Miliarda euro kredi për avionët Rafale, Serbia po armatoset kundër NATO me paratë europiane
Serbia po përdor paratë europiane për të blerë armatime. Mediat në Beograd raportojnë se qeveria ka miratuar një projektligj që konfirmon marrëveshjen e kredisë mes shtetit serb dhe një grupi institucionesh financiare franceze dhe europiane, me qëllim që të bëhet i mundur financimi i prokurimit të 12 avionëve luftarakë të Francës, Rafale.
Vlera e kontratës mes shtetit të Serbisë me kompaninë Dassault Aviation është 2.7 miliardë euro, ku 1.9 miliardë janë marrë kredi dhe pjesa tjetër nga fondet buxhetore.
Skandali i Tërmetit të Ramës në Tepelenë/Burri denoncon në polici dhe kërkon divorcin nga gruaja
Një ditë para zgjedhjeve, në media u bë publik një skandal me protagonist një deputet rilindas videoja e të cilit u mbajt fort e fshehur mirë. Tërmet Peçi u filmua teksa ngrinte pantallonat në makinë me një punonjësen e tij.
Kjo e fundit u kap mat nga burri i saj duke bërë tërmet 7 ballë me deputetin e PS. Ironia qëndron në faktin se burri i nëpunëses së Tërmetit, banor i Këlcyrës ka kërkuar zyrtarisht divorc, duke deklaruar se bashkëshortja e tij është abuzuar seksualisht nga Peçi në një incident të denoncuar në polici si “përdhunim nën kërcënim dhe dhunë fizike”.
Trump dekorohet nga Emiratet e Bashkuara teksa planifikon zhvendosjen e përhershme të palestinezëve
Një raport i NBC News, duke cituar pesë persona me njohuri për çështjen, zbulon se Trump po planifikon të zhvendosë përgjithmonë deri në një milion palestinezë nga Rripi i Gazës në Libi. Konkretisht, sipas informacioneve, plani duket se është duke u shqyrtuar seriozisht, pasi administrata Trump ka diskutuar tashmë planet e saj për zhvendosjen e palestinezëve me udhëheqjen libiane, e cila po kërkon në këmbim lirimin e miliarda dollarëve në fondet e Afrikës së Veriut që SHBA-të i kishin ngrirë për dhjetë vjet.
Vlen të përmendet se ende nuk është arritur një marrëveshje përfundimtare. Nga ana tjetër, Izraeli është informuar mbi diskutimet e administratës Trump me Libinë, e cila mbetet e ndarë me dy qeveri rivale, një në perëndim të udhëhequr nga Abdul Hamid Dbeiba dhe një në pjesën lindore të saj të udhëhequr nga Khalifa Haftar, që luftojnë për kontrollin e vendit, gati 14 vjet pasi përmbysja e diktatorit Muammar Gaddafi shkaktoi luftë civile.